Wanted na rapist nasakote

BATAAN — Isang wanted na rapist ang na­aresto ng pulisya kamakalawa sa bayan ng Mariveles.

Ang suspek ay nakilalang si Eliseo Arandia. Nabatid na inaresto ng pulisya si Arandia sa bisa ng warrant of arrest na inisyu ng korte kaugnay sa kina­sasangkutan nitong kasong rape sa lalawigan.

Hindi naman nanlaban ang suspek nang dakpin ng mga awtoridad sa naturang bayan.