WALANG IPAPALIT KAY LASSITER SA GILAS, KAHIT INJURED“ -GUIAO

UMAASA si Gilas Pilipinas head coach Yeng Guiao na makapaglalaro pa rin sa koponan si Marcio Lassiter ng San Miguel matapos magkaroon ng injury kamakailan.

Nagtamo ng MCL injury si Lassiter sa kanilang laro sa quarterfinals kontra sa NorthPort noong Miyerkules at dahil dito ay uupo si Lassiter nang hindi lalagpas sa anim na linggo.

Bukod sa hindi na makalalaro si Lassiter sa natitirang bahagi ng Commissioner’s Cup ay posibleng hindi na rin siya makalahok sa Gilas Pilipinas sa FIBA Basketball World Cup kung saan kasama siya sa pool.

“We are still not giving up on Marcio. It would take around six weeks for him to get back. We are hoping to have a minor miracle, maybe get back in four weeks just in time for him to be with us. We are not totally giving up on him. We are also preparing for a contingency plan,” wika ni Guiao sa press conference ng FIBA Basketball World Cup Trophy Tour.

Ayon kay Guiao, wala siyang planong palitan si Lassiter sa pool. Iniisip din ni Guiao na isama pa rin si Lassiter sa World Cup kung hindi pa rin niya kayang maglaro sa panahong iyon. “Marcio is really a key member of the team. Everyone knows we need his outside shooting especially on the international stage. It’s a big loss but we will find ways,” dagdag ni Guiao.