Sinaktan at inismol na, siya pa ang nag-sorry

Dear Roma,

Tawagin na lang ninyo akong Jana. Su­mu­lat ako sa inyo dahil pakiramdam ko ay loser ako. Hindi ko maintin­dihan kung bakit palagi na lang akong naka­raramdam ng guilt sa tuwing may taong nang­hahamak sa akin. ‘Yung sa isang sorry lang nila, napapatawad ko kaagad sila. Bakit sa tuwing may nanghahamak sa akin, pakiramdam ko, ako ‘yung dapat mag-sorry? Weak ba ako? — Jana

Jana,

Una sa lahat, hanga kami sa kababaan ng loob mo. Alam mo, napa­ka­raming tao na walang ka­payapaan ang kalooban dahil may mabigat silang dinadala sa puso nila — galit, poot at sakit ng ka­hapon. Ang pagiging ma­pagpatawad, paghi­ngi ng sorry at pagkalimot sa bawat mali ng ibang tao ay hindi kahinaan kundi ka­lakasan. Hindi ka weak at lalong hindi ka loser. Sumasalamin lang ito sa pagiging dalisay ng puso mo, kaya huwag kang magbabago. God bless sa iyo!