Puro dayaan — Digong | Lotto, iba pang PCSO games, stop!

WALANG balak si Pa­ngulong Rod­rigo Duterte na kila­lanin ang mga court order na pipigil sa kanyang kautu­san na ipatigil ang mga gambling operation na hawak ng Phi­lippine Charity Sweep­stakes Office (PCSO).

Ito ay makaraang ipatigil ng pangulo ang operasyon ng Lotto, Small Town Lot­tery (STL), Keno, Peryahan ng Bayan at lahat ng gaming operation o scheme na may lisensiya o prangkisa mula sa PCSO.

Sinabi pa ni P-Duterte na hindi niya kikilalanin ang anu­mang utos mula sa anu­mang korte na magpapahinto sa kanyang kautusan.

“As of today, I will not honor any — any order from any court stopping us or en­joining us to stop our desire to go into a massive inves­tigation for the massive cor­ruption that is existing in the PCSO. Hinto lahat. That’s my order. Irrespective of the — ‘yung mga sinabi ko na court order enjoining every­body to stop or not to do or what not to do, especially government,” ani P-Duterte sa kanyang video message na inilabas sa Facebook page ng Presidential Commu­ni­cations Operations Office, kamakalawa ng gabi.

Ayon sa pangulo, ang ma­lawakang korupsiyon ang dahilan kaya niya ipinahinto ang operasyon ng PCSO games.

“Sa mga kababayan ko. I have today ordered the clo­sure, the stoppage of all gaming schemes of what­ever na­ture, however done, that got their franchises to do so from the PCSO,” ani P-Du­terte.

“Wala ako magawa. I have to do it. I will not honor tran­sactions that are clearly on the side of, you know, scheming people, the Re­public of the Philippines, of the money due it. Puro da­yaan lahat at ‘yung mga kontrata ay parang crafted in favor of corruption and to favor other corporations and people. I will not allow it,” dagdag pa ng pangulo.

Ikinatuwiran pa na ang ahensiya ang nanghingi ng sit­wasyon sa sinapit nito.

“Talagang hiningi ninyo. Sinabi ko na nga walang corruption. Hinihingi talaga ninyo, ibigay ko sa inyo,” pa­hayag pa nito.

“So I repeat I’m or­de­ring the military and the po­lice to stop all gaming. Lot­to, STL, Peryahan ng Bayan pati those machines that can be found everywhere which is actually gambling. If I — if I were… If I were to give my sentiment about gambling, mas gusto ko mawala ito lahat. Kung meron man, I will maybe confer with the leaders of Congress muna. I am… the order is grounded on the preservation of the resources of the nation,” dagdag pa ng pangulo.

Kasabay nito, inutusan din ni P-Duterte ang Philip­pine National Police (PNP) at Armed Forces of the Phi­lippines (AFP) na ipatupad ang kanyang direktiba sa loob ng 24-oras at arestuhin ang mga magpapatuloy ng ope­rasyon o lalabag sa kanyang utos.

◘◘◘

Mga korup sa PCSO, ibubulgar!

NAKATAKDANG pa­ngalanan ni Pangulong Rodrigo Duterte ang mga opisyal na sangkot sa mala­wakang korupsiyon sa PCSO sa tamang panahon.

Kasunod ito ng direktiba ng pangulo na itigil ang lahat ng uri ng laro o sugal sa ila­lim ng PCSO dahil sa kati­walian.

Sa kasalukuyan, aniya, masusing binubusisi ng pa­ngulo ang mga pangalan na idinadawit sa naturang ka­tiwalian dahil ayaw nitong magkamali.

◘◘◘

Humihingi ng tulong sa PCSO, pumunta sa pagcor — palasyo

MAAARING humingi ng fi­nancial assistance sa Philip­pine Amusement and Ga­ming Corp., Office of the Pre­si­dent o iba pang ahen­siya ng gobyerno ang mga humihingi ng tulong sa PCSO.

“Kung ipapatigil, ibig sabihin, walang papasok na pera maliban sa dating pera. Meron pa naman tayong PAGCOR at sa ibang ahen­siya ng gobyerno,” ani Pa­nelo.

Hindi pa masasabi kung hanggang kailan ang utos na ito ni P-Duterte kaya mas mabuting huwag na munang tumaya.

Aniya, labis ang pagka­dis­maya ng pangulo dahil ginawang gatasan ng mga tiwaling opisyal ng PCSO ang naturang mga numbers game. Giit ni Panelo na mas malaki na ang ninanakaw na pera kaysa sa dapat ay ki­nikita ng gobyerno.

◘◘◘

Lotto, STL, Keno, Peryahan ng Bayan, ipinatigil | PCSO kay P-Duterte: usap tayo

INIHAYAG ng PCSO na kanilang kakausapin si Pangulong Rodrigo Duterte.

Ito ay para kumbinsihin ang pangulo na muling pag-aralan ang kanyang desisyon na ipatigil ang operasyon ng Lotto, Small Town Lottery (STL), Keno at Peryahan ng Bayan na pinangangasiwaan ng PCSO.

Ito ang kanilang tugon ma­karaang ipag-utos ng pangulo ang pagpapatigil sa lahat ng mga sugal na nasa ilalim ng PCSO simula ka­hapon.

Samantala, sa video state­ment, sinabi ng mga PCSO official na kanilang sinu­suportahan ang anti-corrup­tion drive ng pamahalaan subalit, nakiusap na huwag naman sanang madamay ang buong operasyon ng ahen­siya.

Malaki umano ang ma­giging epekto ng tigil-ope­asyon sa beneficiaries ng tulong mula sa PCSO lalo na ang mga may sakit.