Direk ng movie niya, anti-Digong… DIREK JOEL, KASAMA SA MGA GUSTO NI IPE NA MAMATAY NA

Nitz Miralles / BIDA

TULOY pa rin si Phillip Salvador sa cast ng Heaven’s Best Entertainment movie na Isa Pang Bahaghari kahit magkaiba ang political leanings nila ng director ng movie na si Joel Lamangan.

Napag-usapan ang tungkol dito after ng pronouncement ni Phillip na mamatay na ang mga ayaw at kumakalaban kay President Rodrigo Duterte. Eh, kritiko ni Pres. Duterte si Direk Joel.

Parehong propesyonal sina Direk Joel at Phillip, kaya matutuloy at matatapos ang Isa Pang Bahaghari na tinatampukan ni Nora Aunor. Sina Phillip at Michael de Mesa (unang napabalita ay si Bembol Roco) ang pumalit kina Christopher de Leon at Tirso Cruz III na nag-backout sa offer.

Post ni Dennis Evangelista, ang line producer ng Isa Pang Bahaghari, “From the makers of Rainbow Sunset comes another heart rending family drama that will surely touch your humanity!!! The confirmed stellar cast of Joel Lamangan’s Isa Pang Bahaghari, the one and only Superstar Ms. Nora Aunor and multi-awarded actor Phillip Salvador with Michael de Mesa. To follow announcement of other cast. Contract signing, story conference and look test in the next few days.”

Makukumpirma sa story conference kung totoong kasama sa cast sina Maris Racal, Enchong Dee at Zanjoe Marudo as the young Nora, Michael and Phillip.