Niyaya sa bahay ng lalaki | grade 12 ni-rape

ARESTADO ang 20-anyos na lalaki matapos ireklamo ng panghahalay sa 18-anyos na Grade 12 student sa Navotas City.

Kinilala ni Navotas Police Chief P/Col. Rolando Balasabas ang suspek na si Luis David Natallo na inaresto nina P/Cpl. Reysie Peñaranda at P/Cpl. Ronnie Miguel sa kanyang bahay sa Bgy. San Roque, alas-4:00 ng hapon matapos ang isinampang reklamo ng biktima na itinago sa pangalang ‘Korina’.

Batay sa imbestigasyon, alas-4:00 ng Martes ng hapon nang imbitahan ng suspek ang biktima sa kanilang bahay na pinaunlakan naman ng dalaga.

Habang nasa loob, pinagbantaan umano ito ng suspek at hiniling sa biktima na makipagtalik.

Matapos ang panghahalay, pinayagan ng lalaki ang biktima na umuwi. Ipinagtapat naman ng biktima sa kanyang professor ang nangyari kaya sinamahan siya nito na humingi ng tulong sa pulisya na nagresulta sa pagkakaaresto sa suspek.