Kaya nangungurakot — Digong | MGA MAYOR, MAY KABIT!

NANINIWALA umano si Pangulong Rod­rigo Du­terte na mayorya o 60 por­si­yen­to ng mga alkalde sa bansa ay may ibang babae o babaero.

Ayon kay Interior and Lo­cal Government Secre­tary Epimaco Densing III, ang pagiging babaero umano ng mga lokal na opisyal ang ka­raniwang nagiging ugat ng katiwalian sa gobyerno.

“Sabi ni Presidente, ang hula niya 60 percent ng mga mayor, may babae,” ayon kay Densing.

“Good governance is issue ng pangangailangan ng mga mayor saka ‘yung mga pangangailangan nila bilang ordi­naryong tao. Kung marami sa kanila ang nambababae, parang mas malaki ang requirement nila na magkaroon ng pera sa bulsa nila,” dagdag pa nito.

Sinabi aniya ng pangulo sa pulong nito sa mga local chief executive ang pagkadis­maya sa patuloy na ko­rupsiyon sa pamahalaan at ang pagnanais na magbitiw na sa posisyon dahil sa kabi­guang matuldukan ang na­sabing problema.

“Gusto nga niya mag-resign na dahil parang hin­di niya mahabol ‘yung tuluy-tuloy na korupsiyon. Kasi nasa huling tatlong taon na po siya ng kanyang panu­nung­kulan, nire-emphasize niya lang na ‘wag talagang maging involved sa iligal na droga ‘yung mga local chief executive dahil tala­gang pa­patayin talaga niya,” ani Densing.