Dental Hygienist na tinanggalan ng lisensiya, 2 yrs. pa bago makapag-apply ulit

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Isang taon na ang nakalipas matapos ipag-utos ng Professional Regulatory Board of Dentistry ang revo­ca­tion ng aking Certificate of Registration bilang regis­tered dental hygienist. Kailan kaya maaaring ma-reissue ang aking Certificate of Registration? — Noelle

Dear Noelle,

Para sa inyong kaala­man, ang batas na suma­saklaw sa sitwasyon na inyong inilahad ay ang Section 23 ng Republic Act No. 9484 na mas kilala bilang “Philippine Dental Act of 2007” kung saan nakasaad ang mga sumusunod:

"Sec. 23. Reinstatement Reissuance or Replacement of Certificate of Registration and Professional Identification Card. – Two years after the date of revocation, the Board may, upon application and for reasons deemed proper and sufficient, reinstate any revoked certificate of registration and reissue a professional identification card; and in so doing, the Board may, in its discretion, exempt the applicant from taking another examination.” (Binigyang-diin)

Ibig sabihin, matapos ang dalawang taon mula ng revocation ng inyong Certification of Registration, maaaring muling mag-issue ng Certificate of Registration ang Professional Regulatory Board of Dentistry kung sakaling kayo ay mag­ha­hain ng aplikasyon na may kaakibat na angkop na dahilan para sa reinstatement nito. Matapos ang nasabing aplikasyon, maaaring ma-reinstate ang inyong Certificate of Registration at maaari ring hindi na kayo paku­hanin ng panibagong eksa­mi­nasyon, sang-ayon sa diskresyon ng Professional Regulatory Board of Dentistry. Sa inyong sitwasyon, hindi pa kayo maaaring mag­hain ng aplikasyon upang ma-reissue ang inyong Certificate of Registration, dahil hindi pa natatapos ang dala­wang taon mag­mula ng revocation nito.

Nawa ay nasagot na­min ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisa­laysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormas­yong ibibigay. Mas mainam kung personal kayong sasangguni sa abogado.