Abot-kaya lalo na para sa mahihirap | DIVORCE BILL, BINUHAY

BINUBUHAY ngayon sa Kamara ang panukalang- batas na layong pahintulutan ang divorce sa bansa.

Napagtibay noon sa ikatlo at pinal na pagbasa sa Mababang Kapulungan ang House Bill 7303 ngunit, na­bigong maaprubahan sa Se­nado kaya hindi ito umusad.

Ngayon ay inihain ni Davao del Norte Represen­tative Pantaleon Alvarez ang House Bill 2263 o ang re-filed na Absolute Divorce Bill.

Ipinatitiyak sa panukala na ang paggawad ng abso­lute divorce ay magiging abot-kaya lalo na para sa mga ma­hihirap na magpepetisyon.

Mayroong tinatawag na mandatory cooling-off pe­riod sa loob ng anim na bu­wan at sa panahon na iyon ay hindi muna pasisimulan ng korte ang paglilitis at su­subukan na magkasundo ang mag-asawa.

Kasabay nito, muli ring inihain ni Alvarez ang Civil Partnership Bill o House Bill 2264 na nagbibigay ng ka­rapatan at patas na protek­siyon ng batas para sa ma­layang pakikipagrelasyon sa katulad o magkaibang ka­sarian.