Tulak timbog sa P3.4 milyong shabu

NASA P3.4 milyong ha­laga ng shabu ang nakum­piska sa isa umanong notor­yus na tulak ng iligal na droga na naaresto sa buy-bust ope­ration sa Caloocan City.

Kinilala ang suspek na si Unotan RV Barambangan, ng Bagong Silang.

Alas-12:30 ng hapon nang isagawa ng PDEA RO 4A (RSET at Quezon) at PDEA-BARMM sa pangu­nguna ni IA3 Christopher Basilio sa koordinasyon sa Caloocan Police Community Precinct 3 na pinamumunu­an ni Maj. Raymond Nicolas ang buy-bust operation sa harap ng isang restoran na nagresulta sa pagkakaaresto sa suspek.

Nakumpiska sa suspek ang limang piraso ng plastic bags ng hinihinalang shabu na tumitimbang ng 500 gra­mo at tinatayang nasa P3,400,000 ang halaga at dalawang P500 na ginamit bilang boodle buy-bust mo­ney.