Matapos ihirit ni P-Digong sa SONA | BALIK-BITAY, APRUB DIN SA PNP

APRUBADO umano sa Philippine National Police (PNP) ang panunumbalik ng parusang kamatayan sa bansa.

Ito’y matapos ihayag ni Pangulong Rodrigo Duterte sa kanyang SONA na nais niyang magkaroon ng paru­sang bitay para sa bigtime drug traffickers at plunde­rers.

Ayon kay PNP Chief General Oscar Albayalde, susunod sila sa nais ng pa­ngulo dahil naniniwala silang “game changer” ang nasa­bing parusa sa pagpapababa ng krimen.

Paliwanag ni Albayalde, sa loob nang tatlong taon, ma­rami ng nagawa ang PNP sa kampanya laban sa iligal na droga at malaki ang maitu­tulong nito kapag naipatu­pad na ang batas.

Nilinaw naman ng hepe ng PNP na depende na sa ap­preciation ng Kongreso kung paano ipatutupad ng batas. Bago ang SONA, mata­tandaang, sinabi ng heneral na dapat munang pag-aralang maigi ang death penalty at ayusin ang criminal justice system sa bansa bago ito ma­isakatuparan.