GF na libangan lang ng lalaki

Dear Roma,

Ako si Gracie, may boyfriend akong palagi na lang walang time para sa akin, pero kapag kaila­ngan niya ako, gusto niya lahat ng naka-schedule kong appointments ay ika-cancel ko, samantalang, kailangan lang pala niya ako dahil bored siya at gustong maglibang. Pero, kapag ako ang nangaila­ngan sa kanya, sinasabi niyang busy siya, hindi niya alam, nababalitaan ko sa mga barkada niyang nag-iinuman, nagsusugal o kaya ay gigimik lang sila. Sa totoo lang, nasa­saktan na ako sa gina­gawa ng BF ko sa akin. Tama pa ba ito? — Gracie

Gracie,

Naku, besh, ang gan­yang klaseng relasyon kung saan hindi mo nakikita o nararamdamang mahalaga ka sa taong mahal mo, eh, talagang nakaka-toxic. Hin­di deserve ninuman na ma­ging libangan lang ng ibang tao kahit pa sabihin mong BF o asawa mo na siya. Hin­di ka niya naging girlfriend para may mag-entertain sa kanya tuwing bored siya. Makabubuting kompronta­hin mo na siya habang ma­aga pa. Kung hindi niya ma­tanggap ang pagkakamali niya, tapusin mo na ang relasyon ninyong dalawa. Sa ganitong paraan, baka sa­kaling makita at ma-realize niya ang halaga mo. Masa­kit man ang maging resulta, at least, hindi ka na mahi­hirapan pa.

God bless!