Jeepney, trike at pedicab drivers kulong sa shabu

NASA 11 hinihinalang drug personalities kabilang ang 62-anyos na jeepney driver ang arestado sa mag­kahiwalay na drug operation sa Navotas City.

Ayon kay Navotas Po­lice Chief P/Col. Rolando Balasabas, ala-1:00 ng ma­daling-araw nang magsagawa ng buy-bust operation ang mga operatiba ng Station Drug Enforcement Unit sa pangunguna ni PLt. Eric Roxas sa A. R Cruz St., Bgy. Tangos sa koordinasyon sa PDEA na nagresulta sa pag­kakaaresto kina Pablo Pinto, Jr., 41, mangingisda; Crizal­dy de Jesus, 34, mangi­ngisda; Niño Eugenio, 41; Leslie Sigua, 43, at Nestor Tamayo, 62, jeepney driver.

Ani SDEU Investigator PCpl. Catherine Buella, na­rekober sa mga suspek ang anim na sachets ng shabu at P300 buy-bust money.

Alas-11:30 naman ng Lunes ng umaga nang ma­sakote ng mga operatiba ng SDEU sa buy-bust opera­tion sa kahabaan ng Mali­uto St., Bgy. NBBS, Dagat-Da­gatan si Edwin Gaspar, 50, tricycle driver at Jessie Lim, 56, pedicab driver.

Tatlong sachets ng shabu at P200 buy-bust money ang nakumpiska sa mga suspek.

Nauna rito, alas-9:00 rin ng Lunes ng umaga, nagsa­sagawa ng covert target drug personalities surveillance ope­ration ang mga operatiba sa pangunguna ni PLt. Ro­xas sa Market 3, Bgy. NBBN na nag­resulta sa pag­kakaaresto kina Christo­pher­son Baruc, 27; Nestorio Re­ñola, 46; Er­win Modido, 27, at Orlando Tubat, 52.

Narekober sa mga sus­pek ang apat na sachets ng shabu.