BANGKAY NG LOLO LUMUTANG SA DAGAT

ILOCOS SUR—Isang bangkay ng 76-anyos na lolo ang natagpuang nakalutang sa dagat na sakop ng Vigan City sa lalawigang ito.

Ang biktima ay nakilalang si Benjamin Alibin, residente ng Bgy. San Julian sa nasabing lungsod.

Nabatid na ini-report ng pamilya ni Alibin sa mga awtoridad na tinangay ng malakas na alon ang biktima habang nanghuhuli ito ng isda sa baybaying-dagat ng naturang lugar.

Kaagad namang rumesponde ang mga awtoridad hanggang sa matagpuan ang nakalutang na bangkay ng biktima sa dagat.