Ipinakita sa mga klasmeyt | 15-ANYOS, NAHULIHAN NG BARIL

PATULOY na sinisi­ya­sat ang pagkakakumpiska ng baril mula sa 15-anyos na ba­baeng estudyante sa loob ng eskuwelahan sa Argao, Cebu.

Batay sa imbestigasyon, nasamsam sa dalagita ang kalibre .22 revolver na bitbit nito sa silid-aralan at ipinakita pa sa kanyang mga kaklase.

Ayon kay Police Maj. Ro­lan Aliser, isinailalim lang nila sa pagtatanong ang da­lagita saka dinala sa Depart­ment of Social Welfare and Development.

Sinabi umano ng estud­yante na pinagbilinan siya ng kanyang pamilya na dal­hin ang baril at itago sa ligtas na lugar.

Gayunman, naisipan niya itong dalhin sa paaralan at nang makita ng isang guro na hawak ng dalagita ang ba­ril ay agad siyang nagsum­bong sa mga awtoridad.

Inaalam na ng pulisya kung sino ang may-ari ng armas at kung may iba pang motibo sa pag-iingat ng da­lagita sa naturang armas.