Van, tricycle at kotse inararo | 4 TODAS SA BUS

TATLONG miyembro ng pamilya at kanilang driver ang patay matapos masal­pok ang sinasakyan nilang van sa pampasaherong bus sa Bgy. Malay, Lopez, Que­zon.

Dead-on-the-spot sina Raymundo Acebuche, asa­wa na si Maryjoy Claire, at 20-anyos na anak na si Racquel.

Nasawi rin ang driver ng sinasakyan nilang Toyota Hiace na si Paterno Car­nate, Jr.

Nakaligtas naman ang dalawa pang anak ng mag-asawang Acebuche na sina Roselyn at Rafael at maging ang 9 na iba pa na dinala sa pinakamalapit na ospital.

Batay sa report, tinata­hak ng P&O Transport Bus na minamaneho ni Marlon Ricon ang Maharlika High­way nang sumalpok ito sa van alas-11:55 ng gabi ng Huwebes.

Makaraang mabangga ang van ng Pamilya Acebu­che ay nasapol din ng bus ang tricycle at kotse na naka­parada sa tabi ng national highway.

Nasa kustodiya na ng pulisya ang driver ng bus na si Ricon at nahaharap ito sa kaukulang kaso.