Sa July 22 pa magkakaalaman | ‘SPEAKER CAYETANO’, SUGGESTION LANG NI P-DIGONG

NAMEMELIGRO umano ang pag-asang ma­kamit ni Taguig-Pateros Rep. Alan Peter Cayetano ang puwesto sa pagka-Spea­ker ng Kamara dahil sa kabi-kabilang kontrobersiyang ki­nasasangkutan.

Partikular umano ang isyu ng korupsiyon sa 2019 Southeast Asian Games at ang mungkahing palawigin ang termino ng mga congress­­man.

Ayon kay Dr. Paul Mar­tinez ng RP-Mission and Development Foundation Inc. at political analyst, ika­didismaya umano ng mga mambabatas ang pagka­ka­sangkot nito sa umano’y over­priced hosting ng 30th SEA Games at nang iupo umano ang malalapit na ka­ibigan bilang board of direc­tors ng Philippine Southeast Asian Games Organi­zational Committee Foun­dation, Inc. (PHISGOC) na ibi­­nul­gar na­man ng isang opisyal ng Phi­lippine Olympic Committee (POC) official.

Isang congressman na­man mula sa Visayas ang pu­muna sa panukala ni Caye­tano na pahabain ang termino ng mga mambabatas sa apat taon nang walang term limits mula sa 3 taon o 5 years na may limit na termino na aniya’y isang makasariling pa­­nukala at ‘self-serving form of legislation’.

Kasabay nito, nanawa­gan ang mambabatas na bu­moto ayon sa kanilang kon­sensiya at hindi sa kung ano ang idinidikta ng kinaaani­bang partido.

Una nang inendorso ni Pangulong Rodrigo Duterte si Cayetano bilang susunod na Speaker katuwang ni Ma­rinduque Rep. Lord Al­lan Ve­lasco, sa isang term sha­ring habang majority leader na­man si Leyte Rep. Martin Romualdez.

Gayunman, binigyang-diin ni P-Duterte na pawang suggestion lamang ang en­dorsement at mga mamba­batas pa rin ang masusunod sa July 22, kasabay ng ika­apat na State of the Nation Address (SONA). (BRT)