Katoma pinagbabaril | PARAK NAGBARIL SA ULO, PATAY

DALA marahil ng sob­rang kalasingan kaya pinag­babaril at napatay ng isang pulis ang kanyang kainuman bago nagbaril sa ulo sa Bgy. Marinig, Cabuyao City, La­guna.

Alas-5:45 ng hapon, nag-iinuman ang biktimang si Re­gie Sosangyo at ang suspek na si PCpl. Isagani dela Cruz, nakatalaga sa Caloocan City Police Station at kapwa resi­dente sa naturang lugar.

Makalipas ang ilang oras, nagtalo ang dalawa hanggang sa bumunot ng baril ang suspek saka pinagbabaril ang biktima.

Agad pumasok ng ka­nilang bahay ang suspek at nakarinig na lamang ang ilang testigo ng isang putok. Nadiskubre ng asawa ng suspek ang duguang wala ng buhay na nakahandusay sa sahig.

Inaalam pa ng imbestiga­dor ang dahilan ng kanilang away.