Mga tatay na hindi nagsusustento, mahiya naman kayo!
Pagiging madiskarte at wais ang paraan ng maraming single mom para mabuhay nilang mag-isa ang kanilang anak.
Ito ay dahil sa problema ng ilang solo parents ang paghingi ng sustento mula sa dating asawa o kinakasama para sa kanilang anak.
Ipinaaalala sa mga single mom na maituturing na kasong kriminal ang hindi pagbibigay ng suportang pinansiyal ng ama sa bata. Kasal man o hindi, sakop dito ang mga biological father ng bata.
Ikinokonsiderang paglabag sa Section 5 ng Republic Act 9262 o Anti-Violence Against Women and Children Act ang hindi pagbibigay ng sustento sa pamilya, partikular sa anak dahil isa itong uri ng pang-aabuso sa aspetong pinansiyal.
Mayroon umanong mga pamantayang maaaring sundan para matukoy kung maaaring kasuhan ng solo parent ang biological father ng bata kung mabibigo itong magbigay ng sustento.
Sakaling mapatunayang hindi nagbibigay ng sustento sa anak, prison correctional o pagkakakulong nang anim na buwan hanggang anim na taon at multang P100,000 hanggang P300,00 ang maaaring ipataw sa ama.
Sa panahon ngayon, hindi madaling magpalaki ng bata, lalo na kung mag-isa ang magulang sa pag-aalaga at pagsagot sa gastusin.
Ang pagkakaroon ng anak ay responsibilidad, sa mga tatay na hindi nagsusustento at nagpapakaama, mahiya naman kayo!
Comments