Kelot tinodas sa harap ng mga katoma

ISANG helper ang na­matay matapos barilin ng hindi kilalang suspek sa harap mismo ng kanyang mga ka­inuman sa Malabon City, ka­makalawa ng gabi.

Dead-on-arrival sa Os­pi­tal ng Malabon sanhi ng tama ng bala sa dibdib at ki­likili si Mark Ogaya, 39, ng Bgy. Longos.

Ayon kina PSSgt. Ri­chard Andrew Calaycay at PSSgt. Ernie Baroy, alas-7:50 ng gabi, nakikipag-inu­man ang biktima sa ilang kasamahan sa loob ng Rodeo Motors Tracking Surplus Ja­pan sa Gen. Borromeo St., Bgy. Longos nang puma­sok ang hindi kilalang suspek saka binaril sa dibdib at kili­kili si Ogaya.

Patuloy ang follow-up investigation sa posibleng pagkakakilanlan at pagkaka­aresto sa suspek habang ina­alam pa ang motibo sa in­sidente.