Doktor pinagbabaril

GINAGAMOT ang isang doktor matapos barilin sa Bgy. Quilo-quilo, Padre Garcia, Batangas.

Batay sa inisyal na imbestigasyon, alas-8:30 ng gabi, nakatayo sa Tamago Restaurant ang biktimang si Dr. CJ Johnson, 48, kausap ang kanyang mga kaibigan.

Hindi pa nagtatagal ang kanilang kuwentuhan nang tumabi sa tagiliran niya ang suspek na si Gerome Tiquis.

Agad siyang binaril sa kaliwang bahagi ng katawan at kaliwang balikat bago tumakas.

Agad na dinala sa pagamutan ang biktima habang sa isinagawang follow-up operation ng pulisya ay nasakote ang suspek.

Patuloy ding mino-monitor ang lagay ng biktima habang inaalam pa ang motibo sa insidente.