Alamin mula kay Señor... KAALAMAN KUNG PAANO MAKATUTULUYAN ANG BF

Sr. Socrates Magnus II

Bigyang-daan natin ngayon ang email ni Amie ng Amelia_Dela_Pena@ facebook.com

Dear Señor,

Hihingi ako ng payo sa inyo dahil palagi na lang bigo ang lovelife ko. Three times na akong na­­hihiwalay sa mga na­gi­ging boyfriend ko.

Ano ang dapat kong gawin para maka­tulu­yan ko ang magi­ging boyfriend ko?

Ngayon ay wala akong karelasyon dahil natata­kot na ako.

Maraming salamat!

Naghihintay,

Amie

Sa iyo Amie,

Huwag kang mata­kot, iha, mag-boyfriend ka! Ang katakutan mo ay ang tumanda ka nang wala kang kaagapay, ka­sama o asawa. Kaya, muli, ang unang payo ay mag­boy­friend ka.

Sa panahong may boyfriend ka na at kayo ay magde-date, dapat ang la­man ng bag mo ay ‘yung mga gamit ng mga pang­karaniwang dalaga.

Iwasan mong mapuno ng kung anu-anong ba­gay ang bag mo, kum­baga, dapat ay maluwag lang ito at magaan.

Simple lang din ang damit na dapat mong isuot, huwag kang tu­mulad sa iba na parang a-attend ng party o papa­sok sa opisina kung mag­damit.

Sa bahay, dapat malu­wag ang puwesto ng mga kasangkapan at hindi nag­­kakabungguan o nagka­ka­dikit-dikit.

Ang sarili mong silid-tulugan dapat ay maali­walas at walang kalat.

Ang kamang tulugan ay hindi dapat nakadikit sa dingding, kaya lagyan mo ito ng espasyo.

Ang kumot ay hindi da­pat maliit, gayundin, ang unan.

White o pink dapat ang kulay ng kumot, unan at kobrekama. Maganda rin na ang cabinet mo sa silid-tulu­gan ay hindi pu­num­pu­no.

Ang mga kuwadrong pang-display ay dapat na pangdalaga, iwasan mong maglagay o magsabit ng mga larawang hindi ma­halaga para sa iyo.

Ang pinakamahalaga ay ang itapon ang mga alaala na hindi na kaila­ngang balikan pa.

Good luck and God bless!