Para labanan ang nakababahalang suicide bombing, seguridad dapat paigtingin!

RYAN B. SISON / BOSES

KASUNOD ng nangyaring sui­­cide bombing incident sa kampo ng militar sa Sulu kung saan walo ang namatay kabilang ang mga suicide bomber at tatlong sundalo na iki­nasugat naman ng 12 sibilyan ay naghigpit na ngayon ang Philippine National Police (PNP) para sa kalig­tasan ng nakararami, partiku­lar sa SOCCSKSARGEN re­gion kung saan ang kapulisan doon ay magba­ban­tay nang 24-oras sa kani-kanilang areas of responsibility.

Gayunman, nagsasagawa na rin ng highway checkpoint, pagpapatrulya at police visibility sa mga matataong lugar ang pulisya para sa kapakanan ng taumbayan.

Samantala, hindi porke guma­gawa ng paraan ang mga kinauu­ku­lan ay tayo naman ang magsa­sa­wa­lambahala, kaya ang pana­wa­gan natin para sa la­hat, mainam na tulu­ngan natin sila kaya dapat tayong mag-ingat at ma­ging alerto laban sa masa­samang-tao.

Iwasan muna nating pumunta sa mga lugar na matatao, gayundin, ang mga pinaghihinalaang magiging target sa susunod na suicide bom­bing.

Sa totoo lang, nakatatakot ang pa­nahon ngayon dahil hindi natin masa­sabi kung saan at kailan may mangya­yaring insidente, kaya bago pa tayo ma­­ging biktima, makabubuti kung sobrang pag-iingat ang ating gaga­win.

‘Ika nga, mas okay nang maging handa kaysa buhay natin ang ma­wala.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.