Mister problemado sa pera | MISIS, GINAGAMIT NI MISTER SA CYBERSEX

ARESTADO ng mga ahente ng National Bureau of Inveatigation (NBI) ang Sri Lankan national maka­ra­ang ireklamo ng kan­yang Pinay na misis na ginawa umano siyang ‘cybersex slave’ sa loob ng pitong bu­wan sa San Jose del Monte, Bulacan.

Hindi na umano natiis ng ginang na hindi binanggit ang pangalan, ang ginagawa ng dayuhang mister na ma­ging ang kanyang anak na babae sa unang karelasyon ay sinimulan na rin nitong molestiyahin.

Dahil dito, sinalakay ng mga ahente ng NBI-Interpol ang tinutuluyan nilang ba­hay nang makapagreklamo ang ginang sa NBI, kama­kalawa ng gabi.

Hindi naman binanggit ang pangalan ng dayuhan upang proteksiyunan ang mag-ina.

Batay sa imbestigasyon, inaabuso ng dayuhan ang Fi­lipina at ibinebenta sa dayu­han sa online.

Inamin naman ng dayu­han ang pang-aabuso dahil wala siyang pera.

Ayon sa ginang, ipinadala na rin ng suspek sa kanilang mga kamag-anak ang mga kopya ng sex video.

Nang tanungin ni Spe­cial Agent Ronald Aguto, kung bakit ginawa ito ng dayuhan sa kanyang asawa at step­daughter, sinabi nito na, ‘It’s because we don’t have any option, I don’t have money’.

Sasampahan ng kasong paglabag sa RA 9208 or Anti-Trafficking in Persons Act of 2003, RA 9262 o Anti-Violence Against Wo­men and Children Act of 2004 at Cybercrime Pre­vention Act of 2012 ang suspek.