Governor, tinuluyan sa fertilizer scam

NAHAHARAP sa tat­long buwang suspen­si­yon ang gobernador ng Cota­bato dahil sa mga ka­song graft at malver­sation of public funds na may ki­nalaman sa pagbili ng P5 milyong halaga ng fertili­zer.

Ibinaba ng Sandigan­ba­yan ang suspensiyon laban kay Cotabato Gov. Nancy Catamco sa magi­ging imbes­tigasyon laban sa opisyal.

Inakusahan ng Om­budsman si Catamco, ga­yundin ang kanyang kapwa mga akusado na sina da­ting Poro, Cebu Mayor Ed­gar Rama; dating Poro, Cebu vice-mayor Ronald Pajaron Carcellar; at da­ting Sang­guniang Bayan member Ruben Estrera, Jr., Gorgina Gonzales, Ser­gio Zurita, Nilo Gor­gonio, Gregorio Dorog at Wil­liam Surbano na umano’y nakinabang sa pagbili ng 3,333 bote ng Vi­tacrop li­quid organic fertili­zers sa halagang P1,500 kada bote.

Ang nasabing fertili­zer ay gawa ng kumpan­yang Perzebros Company, na pag-aari ni Catamco at ng kanyang dating asawa na si Pompey Reyes.

Natukoy ng Commis­sion on Audit na nagka­roon ng overpricing ng P1,092 sa kada bote ng fertilizer.

Hindi kinagat ng Anti-Graft Court ang hirit ng kampo ni Catamco na hin­di siya dapat masus­pinde dahil sa nakabimbing pag-aksiyon sa inihain nitong Petition for Certiorari sa Korte Suprema.

Sa kanyang petisyon sa SC, iginigiit ni Catam­co na umabuso ang Om­buds­man nang sampa­han siya ng mga kasong kri­minal.