Estudyante, 1 pa huli sa droga

DALAWANG hinihinalang sangkot sa iligal na droga kabilang ang 16-anyos na estudyante ang arestado sa Navotas City.

Ala-1:00 ng hapon nang mahulihan ng isang sachet ng hinihinalang pinatuyong dahon ng marijuana ng mga tauhan ng Navotas Police Community Precinct-4 sa loob ng barangay hall sa Focal Person, Bgy. NBBS Kaunlaran ang estudyante na itinago sa pangalang Robert.

Nauna rito, alas-10:30 ng umaga, nagsasagawa ng monitoring ang mga security guard na sina Arturo Blancom, Jr., 40, at Jose Zolayvar, sa Navotas Fish Port Complex, Bgy. NBBN nang maispatan ng mga ito ang construction worker na si Mark Jayson de Silva, 20, ng Tonsuya, Malabon City, na mabilis na tumakbo sa entrance gate.

Nang sitahin ng mga sekyu, walang naipakitang ID si De Silva at nang ipatanggal ang suot nitong sumbrero ay nalaglag ang sachet ng hinihinalang shabu.

Inaresto ng mga sekyu si De Silva bago itinurnover kay P/Capt. Ferdinand Hermoso ng Navotas Maritime Police Station.