Drug war ‘pag inimbestigahan ng UN — Duterte | SEX VIDEO NI DE LIMA, ILALABAS KO!
NAGBANTA si Pangulong Rodrigo Duterte na ilalabas niya ang sex video scandal ni detinidong Senadora Leila de Lima kung mag-iimbestiga ang United Nations Human Rights Council (UNHRC) kaugnay sa umano’y extrajudicial killings sa Pilipinas.
Tiniyak din ni P-Duterte na mapapahiya lamang ang international council para lamang maimbestigahan ang kanyang kampanya laban sa iligal na droga.
Itatanong umano ng pangulo sa korte kung may moral pa rin ang pagkatao ng senadora sa ipakikita niyang mga video clip nito.
“My only question before a court if I permit an inquiry, ‘Ms. De Lima, are you a moral person?’ Then I will show you some clips. ‘Is this how you remain moral?’ Now, sige sabihin ko sa mga ano…,” pahayag ni P-Duterte tungkol sa senadora.
Ayon pa sa pangulo, kapag nakita ng UNHRC ang kaso ni De Lima ay tiyak na mapapaisip ang mga ito.
“Bahala sila. Kung ako magtrabaho hindi ako… That’s crazy. But they — they can,” ani P-Duterte.
“Let’s face it. But they — they can. But tayo lahat. They will realize that ‘yang kay De Lima, masadsad talaga kayo diyan. Eh, naniwala sila doon sa ano, eh…,” saad pa ng Punong Ehekutibo.
Matatandaang, inihayag ni De Lima na ang resolusyon ay hudyat ng paghahanap sa mga dapat managot sa human rights violation sa ilalim ng administrasyon ni Pangulong Duterte.
Kaugnay nito, nais umano munang malaman ni P-Duterte ang pakay bago manghimasok ang UNHRC na imbestigahan ang komprehensibong ulat kaugnay sa umano’y extrajudicial killings sa Pilipinas.
Ito ay makaraang paboran ng UNHRC ang resolusyon ng Iceland na mag-imbestiga sa sitwasyon ng karapatang-pantao sa bansa kabilang na ang patayan umano na may kinalaman sa war on drugs.
Nabatid na umabot sa 18 bansa ang sumang-ayon sa panukala at 14 ang kumontra, habang 15 ang nag-abstain.“Let them state their purpose and I will review it,” wika ni P-Duterte.
Ipinaliwanag ng pangulo na kung layunin lamang ng international body na magdagdag ng kontrobersiya sa isyu ay sumangguni na lamang ang UN probers sa media. “Kasi kung magdagdag lang sila sa intriga, they better go to the media and the media will tell them the truth. Eh, ipalabas ninyo ‘yung footages ninyong lahat and all, and that will clear everybody,” saad pa ng pangulo.
Kabilang sa 18 bansa ang pumabor sa panukala ay ang Argentina, Australia, Austria, Bahamas, Bulgaria, Croatia, Czech Republic, Denmark, Fiji, Iceland, Italy, Mexico, Peru, Slovakia, Spain, Ukraine, United Kingdom of Great Britain and Northern Ireland at Uruguay.
Tutol naman ang 14 na bansa ang Angola, Bahrain, Cameroon, China, Cuba, Egypt, Eritrea, Hungary, India, Iraq, Pilipinas, Qatar, Saudi Arabia at Somalia
Hindi naman bumoto ang 15 bansa na Afghanistan, Bangladesh, Brazil, Burkina Faso, Chile, Democratic Republic of Congo, Japan, Nepal, Nigeria, Pakistan, Rwanda, Senegal, South Africa, Togo at Tunisia.
Matatandaang, sinuportahan ng international human rights group Amnesty International ang resolusyon na pinangunahan ng Iceland sa pamamagitan ng paglalabas ng ulat kung saan ay sinabi roon na umabot sa mahigit 27,000 ang bilang ng drug related killings.
Comments