Binatang gustong magka-GF at makatapos ng pag-aaral

Dear Roma,

Ako si Nathan, may kaklase akong babae na palaging nagpaparinig sa akin na gusto niya ako at gusto ko rin siya. Kaya lang, gusto kong maka­pag­tapos muna kaming dalawa ng pag-aaral sa kolehiyo bago ko sa kanya sabihing gusto ko rin siya at hingin ang per­miso niya para maligawan ko siya. Ang ikinababahala ko lang, paano kung sa tagal, eh, may bigla siyang magustuhang iba? Panga­rap ko siya, pero pangarap ko ring matupad niya ang pangarap niya. Tama ba ang desisyon kong mag­hin­tay sa tamang pana­hon? — Nathan

Nathan,

Mayroong tamang pa­nahon para sa lahat ng mga bagay. Ang pagpasok sa re­lasyon ay hindi biro, dapat pareho kayong handa sa commitment. Para sa amin, tama ang desisyon mong mag­hintay sa tamang pana­hon, ‘yung panahong alam mong handa ka na at alam mong handa na rin siya. Kung para kayo sa isa’t isa, magi­ging kayo kahit gaano pa ka­tagal ang hintayin at abutin ninyo. Ang pagpa­sok sa re­lasyon ay hindi rin da­pat minama­dali. Rito ninyo ma­lalaman at ma­susubok ang isa’t isa kung gaano ka­tagal ninyo ka­yang mag­hintay dahil kung du­mating ang puntong maging kayo at magsama kayo sa iisang bubong, pang­ha­bambuhay na ang inyong pagsasama. ‘Yun lang, God bless you!