PHL MIGHTY SPORTS, MASUSUBOK NG IRAN SA TAIWAN JONES CUP

MAGKAKASUBUKAN ang Mighty Sports Apparel-Philippines at ang perennial rival Iran ngayon, kung saan, pakay ni coach Charles Tiu na simulan ang title campaign na may mataas na kalidad ng laro sa Changhua Gym sa New Taipei City, Taiwan.

Habang hindi pa napakikilala ang roster ng five-time champion, sinabi nina Tiu at Serbian consultant Rajko Toroman na ang Go-For- Gold backed Mighty Sports ay walang sasayanging oras sa larong magsisimula ng 3 p.m. “We still don’t know which team Iran will be fielding, but I’m sure it’s not their elite team,” ayon kay Tiu, na nagsilbi ring deputy ng Gilas Pilipinas Youth na sumabak din sa katatapos na FIBA Under-19 World Cup sa Greece. “Still, we have to play to the best that we can, since we want to have a winning start.”

Para sa Godfathers ng team na sina Alex Wongchuking ng Mighty Sports at Willy Ocier ng Go-For-Gold, matingkad na kampanya ang pakay nila katulad din ng nagdaang tatlong taon na kampeonato.

Sasabak sa laro para sa Mighty Sports sina dating San Miguel import Renaldo Balkman, Zach Graham, McKinzie Moore, Eugene Phelps at Fil-Am Jason Brickman. Kasama rin sina Jason Gray at Roosevelt Adams, na nakatulong para sa Mighty Sports na naka- 3rd place sa dikdikang Dubai Invitational tournament noong Pebrero. (MC)