P1 milyon pabuya vs. 7 suspek | METROBANK HINOLDAP

MAGBIBIGAY ng P1 milyong pabuya si Manila Mayor Francisco ‘Isko Mo­reno’ Domagoso para sa ikadarakip ng pitong bank robbers na nanloob sa Metro­bank Binondo Branch, kahapon ng umaga sa Binondo, Manila.

Batay sa ulat ng Ma­nila Police District-Station 11, alas-8:43 ng umaga nang isagawa ang panloloob sa bangko ba­go pa magbukas.

Nabatid na dalawa umano sa suspek ang nag­­pang­gap na security guard kung saan kinausap muna ang guwardiya saka nag­deklara ng holdap.

Itinali pa umano ang bantay na guwardiya saka sinam­sam ang pera at kinuha pa ang CCTV ng bangko bago nagsitakas sakay ng motorsiklo.

Nabatid na dalawang minuto ang nakalipas bago nakaresponde ang mga tauhan ng MPD-PS 11 at SWAT.

Samantala, inaalam pa ang halaga ng mga nakulimbat na pera. Iniimbestigahan na rin ng MPD ang kopya ng CC­TV na nakuha sa kalapit na barangay.