Alamin mula kay Señor... KAALAMAN TUNGKOL SA MGA BAGAY NA DAPAT DALHIN SA BAGONG BAHAY

Sr. Socrates Magnus II

Bigyang-daan natin ngayon ang email ni Becca ng Rebecca_Aqui­no@facebook.com

Dear Señor,

Anu-ano ang mga bagay na dapat dalhin sa bagong bahay? Natapos na kasi ‘yung bahay na pina­ga­gawa namin ng mister ko, kaya lilipat na kami.

Nasa Qatar ang asawa ko, medyo maganda ang kita niya kaya nakapag­pagawa na kami ng sarili naming bahay.

Ang alam ko, bigas at asin ang unang ipina­pasok sa bagong bahay, tama ba ‘yun?

Naghihintay,

Becca

Sa iyo Becca,

Tama ka, iha, bigas at asin ang ilan sa mga unang dapat ipasok sa bagong ba­hay.

‘Yung bigas at asin ay dapat na nakalagay sa la­lagyan, pero ‘yung asin ay dapat na isaboy sa bawat sulok ng bahay na may ka­samang dasal na humihi­ling sa langit nang magin­hawang buhay at malayo sa anumang sakit.

‘Yung bigas ay para sa maginhawang buhay at ang asin ay para mawala ang anumang negatibong puwersa o enerhiya na ma­aaring nasa loob ng bahay.

Kung ipapasok mo lang ang mga ito na hindi mo alam ang ritwal ay mapabibilang lang ito sa mga superstition na ang ibig sabihin ay mga pani­niwalang walang basehan kaya ito rin ay matatawag na “blind faith”.

Ang ilan pang dapat gawin ay ang magpapasok ng masasarap na pagkain at magsalu-salo, ito ay gi­nagawa dahil kailangang salubungin ang bagong ka­palaran. Ito ang dahilan kung bakit ang mga tao ay nagpi-fiesta tuwing mag­papalit ang takdang pana­hon.

Pero, alam mo, iha, hin­di lang mga tao ang nagsa­saya kapag dumarating ang takdang panahon da­hil maging ang mga hayop ay sumusunod sa batas na ito ng katalagahan.

Napansin mo ba, ma­sayang nag-aawitan ang mga ibon kapag may da­rating na magandang pa­nahon?

Napansin mo rin ba na ang mga insekto ay masa­sa­yang naghuhunihan ka­pag matatapos na ang tag-araw na papalitan ng tag-ulan?

Kaya bukod sa kumain ng masasarap na pagkain, ipinapayo rin na mag­kan­tahan na parang may ka­ara­wan na ipinagdiriwang.

Ipinapayo rin na mag­suot ka ng bagong damit.

Mayroon pang iba, iha, pero ang mga kaalaman na ito ay sapat na para mag­karoon kayo ng masaga­nang kapalaran.

Good luck and God bless!