98,179 nadale sa dengue

AABOT na sa halos isandaang libo ang kaso ng dengue sa buong ban­sa sa unang anim na bu­wan pa lang ng 2019.

Batay sa pinakahuling report ng Department of Health-Epidemiology Bu­reau, mula noong Enero hang­gang Hunyo ay na­kapagtala ng 98,179 na kaso ng dengue sa buong bansa. Sa naturang bi­lang, 428 pas­yente ang na­sawi.

Ayon sa DOH, mula Hunyo 16 hanggang 22, uma­bot sa 3,610 den­gue cases ang kanilang naire­kord o walong por­siyento na mas mataas kumpara sa ka­parehong panahon noong 2018 na nasa 3,330 cases.

Sinabi ng DOH na mula noong Enero ay na­irekord ang pinaka­ma­ra­ming kaso ng dengue sa Western Vi­sayas na may 11,285; CALABARZON na may 10,313; Central Visayas na may 8,773; SOCCSKSARGEN na may 8,297 at Southern Mindanao na may 8,289 na kaso ng dengue.