Rider dedbol sa karambola

CAMARINES SUR—Isang rider ang namatay at sugatan ang dalawa katao sa naganap na karambola ng tatlong sasakyan, kamakalawa sa Bgy. Buluang, Baao sa lalawigang ito.

Kinilala ang nasawi na si Bernard Sinfuego, samantalang, ang sugatan ay sina Jomar Triumfante at Nilda Buenaventura.

Ayon sa ulat, habang minamaneho ni Sinfuego ang kanyang motorsiklo at kaangkas si Triumfante ay aksidenteng nabangga sila ng Nissan Terra na minamaneho ni Angeles Tresvalles, nadamay at nabangga ang pick-up na kinalululanan naman ni Buenaventura.

Kaagad dinala ng mga saksi ang tatlong biktima sa ospital, pero idineklarang dead-on-arrival si Sinfuego.