Empleyado ng City Hall todas sa riding-in-tandem

PATAY ang 33-anyos na security officer ng Mala­bon City Hall Amphi­theater matapos pagbabarilin ng riding-in-tandem sa Mala­bon City, kamakalawa ng gabi.

Dead-on-arrival sa Os­pital ng Malabon sanhi ng mga tama ng bala sa katawan si Angelo Aquino, ng Bgy. Dampalit.

Ipinag-utos naman ni Malabon Police Chief P/Col. Jessie Tamayao sa kanyang mga tauhan ang follow-up operation sa posibleng pag­kakilanlan at pagkakaaresto sa mga suspek.

Ayon kina PSSG Ernie Baroy at PSSG Philip Cesar Apostol, alas-10:30 ng gabi, binabagtas ng biktima ang Gen. Luna St., Bgy. Dam­palit sakay ng kanyang bi­sikleta pauwi nang sumul­pot mula sa likuran nito ang mga suspek at pinagbabaril si Aquino.