Bebot na nai-stress sa kaklaseng madaldal

Dear Roma,

Ako si Colleen. Kasi­si­mula pa lang ng klase ay mayroon na akong ka­klaseng medyo nakakai­nis. Ako ‘yung tipo ng tao na mas gusto kong mapag-isa kaysa inuusisa ang buhay ko pero, ‘yung ka­klase ko na ‘yun, since katabi ko siya, palagi niya akong dinadaldal. Ang masaklap pa ru’n, tanong siya nang tanong tungkol sa buhay at family back­ground ko. Ano ang da­­pat kong gawin para ma­iwa­san ko ang mga ga­nitong tao? — Colleen

Colleen,

Salamat sa pagbaba­hagi mo sa amin ng iyong kara­nasan sa paaralan. Normal lang na makaramdam tayo ng inis kapag inuusisa ng taong hindi natin kilala ang mga personal na bagay tungkol sa atin. Marahil gus­tong makipagkaibigan sa iyo ng katabi mo, pero kung hindi ka komportable sa kanya, makabubuting ipa­halata o sabihin mo sa kanya na hindi ka sanay sa mga ganu’ng klase ng ta­nungan sa maayos na paraan para hindi siya ma-offend, puwede ring mag-initiate ka ng ibang topic bilang simula para mabig­yan din siya ng chance na makipagkaibigan sa iyo. Good luck sa’yo at God bless!