Pramis ni P-Digong na 3rd telco natupad na, mobile subscriber naka-jackpot!

KA AMBO / BISTADO

NATUPAD na ni P-Di­gong ang ipinangakong ikatlong telco.

Mistulang naka-jackpot ang mga mobile subscriber!

◘◘◘

DUMAAN sa butas ng karayom ang Mindanao Islamic Telephone Company, Inc. (Mislatel).

Pinagkalooban na sila ng prangkisa ng Kongre­so!

◘◘◘

NAKUMPLETO ng Mislatel ang tinatawag na “Certificate of Public Convenience and Necessity (CPCN)”.

Maaari na silang mag­­­­latag ng cable at umarang­kada na sa kalye!

◘◘◘

PINANGUNAHAN kahapon ang awarding cere­mony ni Pangulong Duterte kasama sina DICT Sec. “Gringo” Honasan at NTC Commissioner Gamaliel Cordoba.

Tiniyak ng Mislatel ang 37.03% national co­verage na may average speed na 27 Mbps sa unang taon ng kanilang operasyon!

◘◘◘

Sa ika-5 taon, maaabot nila ang 84.01% ng populasyon at magiging 55 Mbps na ang average speed.

Nagsagawa ang NTC sa apat na public hearings at 46 technical working group meetings mula no­ong Enero 2018 bago naigawad ang prangkisa!

◘◘◘

Nailabas na ang “Rules and Regulations on the Selection Process for a New Major Player in the Philippine Telecommunications Market.”

Mismong ang pangulo ang nagbuo ng oversight committee (OC) kung saan ang chairman nito ay ang DICT acting secretary na si Eliseo M. Rio at vice-chairman na si Finance Sec. Carlos G. Domin­guez at miyembro sina Executive Sec. Salvador Medial­dea at National Security Adviser Hermogenes Esperon!

◘◘◘

Naging transparent ang bidding process at tumu­long ang International Telecommunications Union (ITU).

Kasabay nito, ipatutu­pad ng NTC ang “Mobile Number Portability Act” kung lifetime na ang cell­phone number ng mga subscriber.

Klap! Klap! Klap!