Illegal vendors pinapayagan — Isko | 9 PULIS, SIBAK

SIYAM na opisyal ng Manila Police District-Sta­tion 11, ang inireko­menda ni Manila Mayor Francisco ‘Isko’ Domagoso kay MPD Director PBrig. General Vicente Danao, Jr. na sibakin makaraang madis­kubreng pinapayagan ang mga vendor na magtinda sa lugar na kanilang nasasa­kupan pag­sapit ng gabi sa Binondo.

Kabilang sa mga sinibak na opisyal ng MPD-PS 11 sina PLt. Col. Antonietro Eric Mendoza, PMaj. Ro­binson Mara­nion, PMajor Alden Lee Panganiban, PCapt. Jerry Garces, PCapt. Bernardino Ventjrina, PCapt. Manuel Calleja, PLt. Jerry Caneda, PLt. Maricel Pili at PLt. Maribel Fiedacan.

Habang itinalaga naman ni Danao bilang bagong hepe ng MPD-PS11 si PLt. Col. Noel Calderon Aliño.

Ayon kay Mayor Doma­goso, magsilbi sanang ba­bala sa lahat ng opisyal ng MPD ang ginawang pagsibak sa mga nabanggit na opisyal na hindi nakikiisa sa isinasaga­wang pagsasaayos sa Lung­sod ng Maynila.

“Pagtalikod namin, saan ka nakakita na iyong major, utusan ng barangay chairman, either na hindi nila nakikita o wala silang ginagawa,” ani Mayor Do­magoso.