Bago ang peace talks | KOTSE PINASABOG 14 PATAY, 180 SUGATAN

PATAY ang 14 katao habang sugatan ang mahigit 180 iba pa sa naganap na pag-atake sa Central Afgha­nistan.

Ayon sa mga awtoridad, pinasabog ng grupong Isla­mist Taliban ang car bomb malapit sa opisina ng intelli­gence service at National Directorate for Security (NDS) sa Ghani City.

Gayunman, ayon sa health officials, kabilang sa mga nasawi ang anim na sibilyan at walong miyembro ng NDS.

Nasugatan naman ang 180 katao kabilang ang 60 estudyante sa malapit na es­kuwelahan nang tamaan ng sirang mga bintana at pin­tuan.

Ayon kay Health Direc­tor Zahei Shah Nekmal, maaari pang tumaas ang bilang ng mga nasawi at na­sugatan dahil hindi pa umano ito ang huling ulat na nata­tanggap ng kanilang opisina,

Samantala, sa inilabas na pahayag ng tagapagsalita ng Taliban na si Zabihullah Mujahid, inako nito ang responsibilidad sa pambo­bomba,

Naganap ang pag-atake ilang oras bago magsimula ang pagpupulong sa Qatar ng mga pinuno ng Taliban at mga delegado ng Afghanis­tan para pag-usapan ang pag­papaigting ng kapaya­paan sa bansa.