Babala ng FDA | HIV, HEPA C AT B SA GLUTA DRIP

NAGBABALA sa pub­liko ang Food and Drug Administration (FDA) pa­tungkol sa panganib ng pag­gamit ng injectable lighte­ning agents tulad ng gluta­thione.

Tinukoy ng FDA ang patok sa publiko ang pag-aalok ng ilang health at beauty salons, wellness spa at beauty clinics ng lahat ng uri ng serbisyong pampaganda at pampaputi tulad ng gluta at vitamin C na idinadaan sa injection o mas kilala sa ta­wag na Gluta drip.

Ayon sa FDA, wala pang nailalathalang clinical trial patungkol sa paggamit ng injectable glutathione para makapagpaputi ng balat.

Hindi rin umano apru­bado ng FDA ang anumang injectable products na pam­paputi at ang pinapayagan lamang ay ang paggamit nito sa cisplatin chemotherapy.

Nagbabala pa ang FDA sa mapanganib na epekto ng injectable glutathione tulad ng sakit sa atay, bato at ner­vous system gayundin ang posibilidad na magkaroon ng Stevens Johnson Syndrome.

Binanggit pa ng FDA ang panganib na magkaroon ng HIV, hepatitis C at B lalo na kung hindi matatawag na me­dical practitioner ang magtu­turok nito at ginagawa sa non-sterile facility.