Mas sosyal pa kay Kris… LEA, 'DI KAPANI-PANIWALANG ENDORSER NG SABONG PANLABA
- BULGAR
- Jul 8, 2019
- 1 min read
MAY ilang netizens ang nagtatanong kung bakit si Lea Salonga ang ipinalit kay Kris Aquino bilang endorser ng isang brand ng sabong panlaba? Eh, kung tutuusin, sosyal na sosyal na nga ang dating ni Kristeta at hindi kapani-paniwalang naglalaba ng kanilang mga damit. Sikat at kontrobersiyal lang kasi si Kris kaya nagmamarka kapag siya ang endorser ng produkto.
Pero, bakit ang ipinalit sa kanya sa nasabing powder soap TVC ay mas sosyal pa at hindi masa ang appeal?
Sumikat si Lea dahil sa malaking exposure niya sa Miss Saigon at Les Misérables na Broadway musical plays. Hinangaan siya maging sa ibang bansa. Angat na angat ang level ng kanyang personalidad kaya marami ang nagkainteres na kunin siyang endorser. May beauty products, life insurance, atbp..
Pero, para maging endorser ng sabong panlaba na nararapat lang sa isang celebrity na masang-masa ang appeal, parang hindi kapani-paniwala!
At diyan pumapasok ang sinasabing “truth in advertising.” Papaano makaka-relate kay Lea ang mga ordinaryong misis na gumagamit ng sabong panlaba, eh, napaka-classy ng kanyang imahe mula pa noong siya ay bata pa?
Comments