Transaksiyon sa parking mall, buking | 2 HULI SA P6.8-M SHABU

NADAKMA ng pinag­sanib na puwersa ng PDEA 4A, PDEA SES, PDEA RO-NCR, PDEA RO-IVA, PDEA RO-BARMM at ng Bacoor Police sa pangu­nguna ni Police Major Ru­ben Ballera, Jr., ang dala­wang bigtime tulak ng Re­gion 4, sa isang mall sa Bgy. Molino 4.

Kinilala ni Cavite Pro­vincial Director Sr. Supt Wil­liam Segun, ang mga suspek na sina Ato Kasim, 30, ng Taguig City at Jubaire Ki­tab Mohammad, 21, ng Las Piñas City. Alas-6:15 ng gabi nang ikasa ang buy-bust ope­ra­tion laban sa mga suspek.

Nang masiguro ang ga­gawing operasyon, ikinasa ito sa 2nd floor ng parking lot ng isang mall. Nagpositi­bo ito kung saan nakuhanan ang mga suspek ng humigit- kumulang sa 1 kilo ng shabu na aabot sa halagang P6.8 milyon. Nakuha rin sa mga ito ang bundles ng boodle mo­ney, drug money, 2 cell­phones at 2 sasakyan na Mit­subishi Lancer at Ford Everest.