Serye, natsugi agad dahil sa aksidente ni Manoy Eddie… GABBI, WALA PANG BAGONG SHOW SA SIYETE

Nitz Miralles / BIDA

PAGKATAPOS ng nangyaring aksidente ni Eddie Garcia, hindi na muna gagawin ng GMA-7 ang Rosang Agimat at binigyan na lang ng ibang project ang mga dapat kasama sa cast nito.

Gaya ni Thea Tolentino na kasama sa cast ng bagong Afternoon Prime ng GMA-7 na Mad­rasta.

Sina Roi Vinzon at Tonton Gutierrez, kasama na raw sa Descendants of the Sun kahit wala pang announcement.

Ang iba pa sa cast ng Rosang Agimat, priority daw sa new projects ng network, pero wala pang balita kung ano ang gagawin nina Kristoffer Martin, Gil Cuerva, Jeric Gonzales at ang lead star ng Rosang Agimat na si Gabbi Garcia.

Nasa cast ng Madrasta, bukod kay Thea, sina Gladys Reyes, Juancho Triviño, Arra San Agustin, Phytos Ramirez, Kelvin Miranda at Manilyn Reynes.

Ang ganda sigurong mapanood sina Gladys at Thea na parehong kontrabida.