Sa mga kulang pa sa self-confidence riyan... 6 THINGS PARA HINDI MATAKOT MANINDIGAN

BAWAT isa ay mayroong mga ipinagla­laban, bagama’t, madalas, ang ating ideya ay iba sa ating kapwa, sa huli, ang taong kayang panindigan ang kanyang mga sa­lita ang mas umaangat o nananalo. Sa ganitong sitwasyon, narito ang ilang para­an para matutunan nating tumayo o ma­nindigan sa ating sarili:

1. YOU DON’T HAVE TO APOLO­GIZE. Sa totoo lang, walang masama sa pagpapakumbaba, pero tandaan, hindi sa lahat ng pagkakataon ‘yun ang dapat gawin. Iwasan nating isipin na ang paghingi ng tawad ang paraan para matapos kaagad ang usapan. Subukan nating magpaliwanag, pero sigura­duhin nating hindi baluktot ang ating katwiran.

2. SEE THE OTHER SIDE. Huwag tayong masanay na palaging sarili lang ang ating iniintindi, indikasyon ito ng pagiging makasarili. Hindi porke gusto nating mag-stand-up, mang-aapak na tayo ng iba. Ma­kabubuti na timbangin ang ideya ng isa’t isa dahil marami tayong matututunan dito na makatutulong sa pagpapaunlad ng ating sarili.

3. LEARN TO SAY “NO”. Hindi tayo dapat masanay na palaging sumasang-ayon sa sasabihin ng iba. Kung sa tingin natin ay mali ito, kailangan nating manin­digan sa bagay na tama. Huwag tayong ma­takot ku­montra sa sasabihin nila, lalo na kapag alam nating makaaapekto ito sa atin.

4. WHEN SOMEONE ATTACKS, WAIT THEM OUT. Sabi nila, habang tumatagal na nakakasama natin ang tao, mas nakikilala natin ito. Maging ‘good observant’ tayo, dapat alam natin kung pa­ano gumalaw ang mga tao sa ating paligid. Hangga’t maaari, huwag natin silang pa­ngunahan, mag-set tayo ng limitasyon sa pag­papasensiya, pero kapag na-meet nila ‘yun, panahon na para magsalita at ipagtang­gol ang ating sarili.

5. CHOOSE YOUR BATTLES. Kung ang lahat ng tao o sitwasyon ay pa­patulan natin, baka magmukha tayong ‘war freak’ at mataas ang tingin sa sarili. Maka­bubuti kung marunong tayong humanap ng tamang timing, hindi ‘yung sa tuwing tini-trigger tayo, makikipagsagutan kaagad tayo para lang masabing palaban.

6. FAKE IT TILL YOU MAKE IT. Tandaan, ang pagkakaroon ng paninindi­gan sa sarili ay hindi natin magagawa nang overnight lang. Mahabang panahon bago natin ito makasanayan, kaya habang hindi pa natin ito gamay, i-‘fake’ muna natin hang­gang sa maging natural na lang sa atin ang ganitong ugali.

Palagi nating tatandaan na gaanuman ka-competitive ang ating mga nakasasalamuha, hindi tayo dapat mawalan ng kumpiyansa sa sarili, huwag tayong matakot manindi­gan.

Copy?