Malinaw ayon sa palad... BADING NA NAKATAKDANG MAKAPAG-ASAWA

Maestro Honorio Ong

KATANUNGAN

1. Itatanong ko kung may kapalaran ba akong makapag-asawa ng lalaki kahit na ako ay bading? Oo, bakla ako at ngayon ay may boyfriend ako at magtu-two years na kami. Siya na ba ang lalaking nakaguhit sa aking mga palad o may darating pang iba?

2. May pag-asa ba akong magkaroon ng sa­riling pamilya, balak kasi naming mag-ampon ng baby, para may makasama kami sa aming pagtanda?

KASAGUTAN

1. Kapansin-pansing nag­tataglay ka ng dalawang Marriage Line (Drawing A. at B. 1-M arrow a. at 2-M arrow b.) sa kaliwa at kanan mong palad. Ibig sabihin, da­lawang beses kang ma­kara­ranas ng pangmatagalan at mahabang relasyon, ngunit, mahihiwalay ka rin sa una upang ang ikalawa ang panghabambuhay mo ng makakasama.

2. Nangyaring ga­nu’n ang kinalabasan ng pag-aanalisa dahil higit na mas mahaba at makapal ang ikalawang Marriage Line (Drawing A. at B. 2-M arrow b.) kung iku­kumpara sa unang Marriage Line (1-M arrow a.). Ibig sabihin, dalawang beses kang magkakaroon ng kinakasama o parang asawa na ring matatawag at ang ikalawang lalaking makau­ulayaw mo ang siya na ngang pangmatagalan at maaaring makasama mo sa pagbuo ng masaya, pero hin­di ka­tang­gap-tanggap sa lipunan, su­balit, anuman ang sabihin nila, panghabam­bu­hay na ang nasabing relas­yon na ha­hantong sa mali­gayang pag­papamilya.

MGA DAPAT GAWIN

1. Ayon sa iyong mga datos, Vhi, magkakahiwalay din kayo ng lalaking kina­ka­sama mo ngayon dahil mas maikli ang naunang Mar­riage Line (arrow a.) kung ikukum­para sa mas mahaba at ma­kapal na ika­lawang Marriage Line (arrow b.) sa kaliwa at kanan mong pa­lad.

2. Gayunman, dahil hin­di nabiyak o pumangit ang unang Marriage Line (arrow a.), ibig sabihin nito, sa ma­buting usapan at maayos na paraan pa rin kayo magka­ka­hiwalay ng unang kina­kasama mo ngayon upang pagkatapos tulad ng nasabi na, sa ikalawang pakikisama sa lalaking isinilang sa bu­wan ng Disyembre, tiyak ang ma­gaganap, siya na ang maka­kasama mo sa pagbuo ng maligaya at panghabam­buhay na relasyon na naka­takdang maganap sa susu­nod na taong 2020, sa edad mong 31 pataas.