Duterte Coalition, binuo sa kamara

SA gitna ng labu-labong diskarte ng mga kon­gresista, pumasok na sa ek­sena ang tinaguriang Duterte Coali­tion.

Binubuo ito nina Presi­dential Son at Davao City Rep. Paolo Duterte, Davao City Rep. Isidro Ungab, Rep. Vin­cent Garcia, Rep. Corazon Malanyaon, Rep. Manuel Za­mora, Rep. Lorna Bau­tista, Rep. Clau­dine Bautista, Rep. Sandro Gon­zales at Rep. Anton Lopez.

Sila ay mga kasapi ng Hugpong ng Pagbabago at Hugpong sa Tawong Lung­sod.

Ang nasabing hakbang ay sa gitna na rin ng umano’y panghihimasok ng ilang mi­yembro ng gabinete at naki­kisawsaw sa labanan sa pag­ka-House Speaker.

Naninindigan ang koalis­yon sa kalayaan mula sa pakikialam ng Ehekutibo sa sangay ng Lehislatura.

Hinimok din ng grupo ang iba pang mga kandidato sa pagka-House Speaker ka­bilang sina Leyte Rep. Mar­tin Romualdez, Taguig-Pate­ros Rep. Alan Peter Caye­tano at Marinduque Rep. Lord Allan Velasco na uma­nib sa koalisyon.

Samantala, nakikiisa na­man si Romualdez sa hanga­rin ng Duterte Coalition na magkaroon ng pagkakaisa sa Kamara para maitulak ang mga prayoridad na agenda ng kasalukuyang adminis­trasyon.

Naniniwala rin ang kong­re­sista sa posisyon ng koalis­yon na dapat ay malayang makapili ng sariling lider ang Kamara, alinsunod sa kon­sen­siya ng bawat mga mam­babatas.