Tiniyak ng PNP | LAHAT NG METRO MANILA MAYORS, OUT SA DROGA
LAHAT ng Metro Manila mayors ay hindi sangkot sa kalakalan ng iligal na droga.
Ito ang pahayag ni National Capital Region Police Office (NCRPO) Director Major General Guillermo Eleazar.
Ayon kay Gen. Eleazar, wala silang nasisilip sa kanilang record na involved sa iligal na droga ang ilan sa 17 alkalde sa National Capital Region (NCR).
“Based on our record, wala tayong mayor ngayon na sa record namin is involved sa iligal na droga. Hayun gusto kong iklaro yu’n, ah,” saad ni Gen. Eleazar.
“Sa Metro Manila, ‘yung 17 na mga mayor, nire-review ko, tsine-check, talagang wala,” dagdag pa ng opisyal.
Siniguro naman ni Gen. Eleazar na patuloy ang pagmo-monitor sa mga lokal na opisyal at maging sa mga pulis.
“Malaking bagay pa rin ang ating LGU kung paano impluwensiya niya, kung paano niya ipinakikita ang kanyang paglilingkod sa ating bayan at kung papaano… dinidiinan niya na: Du’n tayo sa tama at lahat ng iligal ay hindi dapat ginagawa,” giit pa ni Gen. Eleazar.
Comments