Liaison officer sa senate, 10 pa timbog sa droga

NASA 11 hinihinalang sangkot sa iligal na droga kabilang ang liaison officer sa Senate ang arestado sa mag­kakahiwalay na buy-bust ope­ration sa Valenzuela City.

Sa nakarating na ulat kay Valenzuela Police Chief P/Col. Carlito Gaces, alas-11:00 ng gabi nang magsa­gawa ng buy-bust operation ang mga tauhan ng Station Drug Enforcement Unit sa pangunguna ni P/Capt. Se­gundino Bulan, Jr., sa Ilang-Ilang St., Karuhatan sa ko­ordinasyon sa PDEA na nag­resulta sa pagkakaaresto kina Eusebio Munar, 48, ng Se­nate Transport Coopera­tive; Robert Pamilar, 19, at Ri­chard Eliano, 21, pusher.

Narekober sa mga sus­pek ang tatlong sachets ng hinihinalang shabu, P200 buy-bust money at P200 bill.

Alas-10:30 ng gabi nang madakip din ng mga ope­ratiba sa buy-bust operation sa kahabaan ng Alley C. Molina St., Bgy. Viente Rea­les sina Jessie Sumaria, 31; Romar Mercene, 29; Rey­mark Mauricio, 19; Ju­lito Cometa, 18, at ang 17-anyos na binatilyo. Nakumpiska ng mga operatiba ang coin purse na naglalaman ng limang sachets ng shabu, tatlong sachets ng marijuana at P200 buy-bust money.

Timbog din sina John Paul Solomon, 24; Junel Sui­con, 23, at Zyron Manabat, 29, sa buy-bust operation sa Road 4, Diam St. Gen T. de Leon, alas-3:00 ng mada­ling-araw. Narekober sa mga sus­pek ang coin purse na nag­lalaman ng pitong sachets ng shabu at P300 cash.