Solusyon sa agawan sa Kamara — Pulong | TATAKBO ‘KONG SPEAKER

MAKIKISAWSAW na rin uma­no sa agawan sa pag­ka-House Spea­ker ng ika-18 Kon­greso si Presi­den­tial Son at Davao City 1st Dis­trict Rep. Paolo ‘Pulong’ Duterte.

Nauna nang inihayag ng nakababatang Duterte na wala siyang interes sa po­sisyon ngunit, nagbago uma­no ang isip nito nang ipilit ni incoming Taguig-Pateros Rep. Alan Peter Cayetano ang term-sharing o hatian ng termino sa Kamara.

“The House is divided, I might be able to help unite it. Pareho lang kaming binoto ng mga tao, ah. Kung term-sharing, term- sharing na ka­ming lahat,” ayon kay Du­­terte. Itinutulak ni Duterte na mapaghatian ang posisyong Speaker ng mga kinatawan mula sa Mindanao, Visayas, Luzon at partylist groups.

“I will ask the Visayas bloc to elect their Speaker for their term share, and so with the Mindanao bloc and the partylist coalition,” ani Duterte. Ibig aniyang sabihin, hin­di lamang dalawang mam­babatas ang maghahati ng termino kundi paghahatian ng iba pang mga kinatawan.

Giit pa ni Duterte, dapat nang tigilan ng mga kuma­kan­didato sa pagka-Speaker na impluwensiyahan ang mga miyembro ng gabinete ni Pangulong Rodrigo Du­terte.

Una nang sinabi ni Pa­ngulong Duterte na bahala na ang mga kongresista na mag­labu-labo at wala siyang ie­endorsong kandidato.

Kabilang sa mga nakiki­pag-agawan sa pagka-Spea­ker sina Cayetano, Mari­n­du­que Rep. Lord Allan Ve­lasco, Leyte Rep. Martin Ro­­mual­dez, Davao del Norte Rep. Pantaleon Alvarez at Bayan Muna Partylist Rep. Carlos Zarate.

Samantala naniniwala si Senador Christo­pher ‘Bong’ Go na may isang salita si Pangu­long Duterte. “Knowing the president, kilala ko po siya in the last 21 years. Kung ano pong binitawan na salita ni Pangulong Duterte ay tutuparin niya po ‘yun,” wika ni Go

Tugon ito nang tanungin kung tutuparin ng pangulo ang pahayag na siya ay magbibitiw sa puwesto sakaling tumakbo sa House Spea­kership race si Paolo. Taliwas naman ito sa pahayag ni Presidential Spokesman Sal­vador Panelo na posibleng magbago ang isip ng pa­ngulo at maaari rin umanong mag­bago ang isip ng batang Duterte.