Dagdag na evacuation centers ngayong tag-ulan, kailangan!

RYAN B. SISON / BOSES

KASUNOD ng malakas na ulan na maya’t maya nating nararanasan, asa­han na natin ang mga pagbaha sa iba’t ibang lugar sa bansa.

Kaya nais nating ipanawagan sa mga kinauukulan na magdagdag ng mga evacuation center nang sa gayun ay hin­di eskuwelahan ang gamiting pananda­liang tirahan ng mga maaapektuhan ng baha dahil kawawa ‘yung mga estudyan­teng mapo-postpone ang klase na mag­reresulta para ma-delay sila sa mga da­pat aralin.

Kumbaga, huwag nating solusyunan ang partikular na bagay na alam nating may bagong problemang nakaabang.

Gayunman, ang evacuation centers ay hindi lamang tuwing tag-ulan mapa­ki­kinabangan kaya kung sakaling ma­da­ragdagan ito, paniguradong hindi masasayang ang pondong ilalaan dito.

Dagdag pa rito, huwag tayong maging kampante sa nakasanayan, kung ka­yang gawan ng paraan kung saan mas magiging komportable ang lahat, gawin!

Sa totoo lang, noon pa ito problema, pero nakapagtataka dahil hindi binibig­yang-prayoridad, samantalang, may mga bagay na inuuna, pero wala naman ta­yong nakikitang pag-unlad.

Kaya ngayong tag-ulan, pakinggan na sana ang hiling ng mamamayan dahil ang evacuation centers ay higit nating ka­ilangan!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.