Build, Build, Build Program, nadiskaril sa kahinaan ng liderato ng Kamara!
MASELAN ang responsibilidad ng 18th Congress.
Hindi dapat maulit ang pagtengga sa National Budget tulad noong nakaraang taon!
◘◘◘
P1 bilyon ang nawala sa gobyerno dahil sa nabalam ang budget approval dahil sa kahinaan ng liderato sa Kamara.
Nawala ang “one percent” sa gross domestic product (GDP), meaning, bumagal ang ekonomiya!
◘◘◘
NADISKARIL ang Build, Build, Build Program ni P-Digong.
Napurnada ang isinusulong na Pederalismo sa 17th Congress!
◘◘◘
NAGBABANTA ang Makabayan bloc na isulong ang impeachment kontra kay P-Digong dahil sa isyu sa binanggang bangka ng mga mangingisda sa West Philippine Sea.
Hindi dapat magpadalus-dalos ang mga kongresista sa pagpili ng kanilang lider!
◘◘◘
DAPAT gamiting panuntunan ang tatlong “K” sa pagpili ng bagong Speaker.
Kakayahan, karanasan at kuwalipikasyon!
◘◘◘
PAGBATAYAN ang kongkretong track record.
May sapat na karanasan sa Lehislatura at bihasa sa isyu na may kaugnayan sa loob at labas ng bansa.
Pinakamahalaga ang matinding pagnanais na suportahan ang agenda ng Malacañang!
◘◘◘
SA pinakahuling ulat, lumutang ang pangalan ni Rep. Paolo “Pulong” Duterte bilang aspirante sa pagka-Speaker.
Nakapunto ang diskarte sa isyu ng masalimuot na “term-sharing”!
◘◘◘
NILINAW ni Rep. Johnny Pimentel na hindi kailanman umupo at bumuo ng kasunduan sina Rep. Cayetano at Rep. Velasco.
Sinabi ng beteranong kongresista na hindi maisusulong ang legislative agenda ni P-Duterte sa ipinanunukalang term-sharing ni Rep. Cayetano.
Aniya, makaaantala lang ito sa kanilang trabaho na makapagpasa ng mga batas na kinakailangan ng ating bansa at mamamayan, lalo na ang pagpasa ng 2020 National Budget!
◘◘◘
PINASINUNGALINGAN din ni Pimentel na nakikialam ang misis ni Rep. Velasco sa House Speakership race.
Aniya, hindi tamang idinaramay ang asawa ng kanyang karibal dahil hindi naman ito sumasali sa kanilang bakbakan kahit close ito sa Duterte Family!
◘◘◘
NAGALIT maging si Rep. “Pulong” dahil sa nakikita niyang ginagawang pambabastos kay Wen Velasco.
Wika ni Rep. “Pulong”, hindi raw nararapat maging House Speaker ang taong bastos sa mga babae!
Comments